Estado de Emergência na Guiné, tradução: Povo de Guiné, bó continua bó rotina normal.

Normalmente si stado de emergência diclarado na un país, i significa tudo mundo ten cu fica na casa pabia i muito prigoso sai na rua pabia de consequências cu pudi bin ten.

Mas na Guiné Bissau i totalmente diferente, stado de emergência li na Guiné Bissau i suma hora cubu fala guintis paca ninguin preocupa pabia tudo sta bem i pa guintis continua sé rotina normal. Guineenses ntindi stado de emergência muito mal, pabia até ahos guintis sta na ruas de Bissau na faci sé atividades normal.

10 teorias cu pui guineenses continua desacredita de cuma és vírus i prigoso, i ixiste i tambi i pudi panha qualquer um cu ca privine.

1ª És CORONA VÍRUS i mintida, pabia até gossi i ca considu inda ninguin ki panha.

2ª És CORONA-VÍRUS i nventado nam pa Americanos cu objetivo de panha só China cu alguns países de Europa.

3ª China misti nam domina mundo cu manda é lança és vírus pa pudi atingi mundo ntero assim pa é pudi consigui ké ku é misti.

4ª É Vírus ca pudi panha pretos, pabia de forma cu i ta panha si bardade ba África na caba.

5ª És i guerra entre alguns países, Guiné Bissau ca mati lá cu pui até gossi i ca panha ninguin.

6ª Países Africanos cu fala é tené tambi vítimas, é na ngana nam pupulaçon pa pudi cuma dinhero de stado.

7ª CORONA-VÍRUS i simples gripe, logo sibu tarda tené badja bu doença i na matau, ma sibu ca tené nin doença si panhau i ca pudi matau pabia gripe cata mata.

8ª CORONA-VÍRUS ca ixiste.

9ª és tudo i política só.

10ª és i um doença cu bin só pa ricos, i ca pudi panha pobres, i na caba só na Europa cu América, és ca pudi tchiga África pabia cientistas ca facil pa países de África.

Privene, és vírus i ixiste i muito prigoso i ta mata, sinta na casa bu sigui cu recumendaçons cu Ministério De Saúde ta dá, laba mon cu sabon pa disinfeta bu mon i cuida djunto cu bu próximo pa ivita mindjor dês doença.

CANTINHO DAS FOFOCAS

Comentarios
estámos no facebook

cap gb o amanha começa aqui

0 0 vote
Article Rating
Subscribe
Notify of
guest
0 Comentários
Inline Feedbacks
View all comments

Subscreva email noticias

capgb info email seja assinante:

WP2Social Auto Publish Powered By : XYZScripts.com
0
Would love your thoughts, please comment.x
()
x